potroilo

Nahaspila honek badu zer edo zer. Garbi dago, potroilo honetan ez bada non egongo da ba! Bi aste barru hemendik ospa egin behar dut. Zekula ez dut ahaztuko eta bueltan etorriko naiz.

bukatzen

Nire New Yorkeko egunak bukatzen hari dira. Triste ala alai?

bisitak

Zeureak zugana etortzea bezalakorik ez da munduan. Gidari onegia ez naizen harren saiatu saiatzen naiz eta gustu handiz gainera. Han nire blogeko argazkiak non atera ditudan erakutsiz ibiltzen ditut alde batetik bestera. Eskerrik asko hemen izan zareten guztiei.

uztailak 4

Independentzi eguna zen atzo Estatu Batuetan eta New Yorki horrek ez dio kasik axola. Badituzte izugarrizko suziriak baina jendeak ez du nik uzte bezain beste bizi egun hau. New York atzerritarrez osatua dagoelako izango da. Nik ez nuen suziririk ikusi baina argazki hau atera nuen.

penthouse

Nire etxea beste aldean dago. Hau nire lagun baten penthousetik ateratako argazki bat da. Etorkizunean horrelako leku eder batean bizitzea gustatuko litzaidake. Parean Downtown, eskubitan Jersey eta ezkerretan Brooklyn. Arratsalde zoragarria.

7. etorbidea

Argazki asko ateratzen ditut baina ez dakik zein jarri. Hau negukoa da. 7. etorbideak beti izango du xarma.

east village

Ikusi nuen eta harritu zidan. Askotan pasa ohi naiz leku honetatik eta ez nintzen sekula ohartu etxe hau zein ederra den. Arratsalde hortan eguskiaren azken izpiek ere argazkiari lagundu zioten.

west 4

Saskibaloia eta esku pelota jokatzera joaten naiz west 4 metroko irteerara. Frontoiak oso txikiak dira eta ez dute ez txapa ezta ezker paretik. Gomazko pelota batekin jokatzen da eta batzuk baseball-erako eskularruak erabiltzen dituzte. Bi neska hauek saskibaloira nola jokatzen zuten ikusten txundituta geratu nintzen.

koreatown

32. kalea, 5. eta 6. etorbideen hartean da Koreatowneko bihotza. Asko guztatzen zait bertara urbiltzea eta nire lagun korearrekin janari pikante eta soju (argazkiko tapoien edaria) hartean gaua alai igarotzea.

skate parkak

Azken aldian patinetea hartzen dudan bakoitzean min egiten diot neure gorputzari. Bi skate park hauek dira gehien atsegin zaizkidanak. Goikoa nere etxetik oso gertu dago eta ranpa ederrak ditu. Behekoa Mahattan zubiaren azpian aurkitzen da eta oso giro polita izaten du. Goiko skaterra Patrick Jones da eta behekoa ez dakit.

union square

Hiriko parkerik entretenigarriena iruditzen zait. Era guztietako jendea ibiltzen da Union Squaren. Fauna amaigabe bat da, batez ere udaberriko egun ederretan.

alexcalibur

310 projecten.com en jarri nuen Alexcaliburri buruzko post txiki bat. Nire iritziz tipo izugarri fotojenikoa da bera. Ostiralean bere beste kontzertu batera noa beraz agian bere argazki gehiago ikusi ahal izango duzue.

williamsburg

Oso modan dagoen auzo bat da Williamsburg. Brooklynen dago eta kale hau Bedford Av da. Zapatilak kaleko kabletatik zintzilikatzearena ez dut ulertzen baina gehien harritu zidana nire lagun Mikelen nemo txapela zapatilekin batera ikustea izan zen.

san clemente

Los Angelesen ondoan dagoen herri txiki bat da San Clemente. Bertan igaro dut aste bukaera hiru lagunekin. Earki ibili gara.

bonbillak

Brooklynetil Manhattan bitartean ibiltzen den metroko L lineak, gaueko hordu txikitan asko tardatzen du. Baina atzo, trenbidearen mantenua egiten duten lagileen tresnei begira ez nitzen gehiegi aspertu. Gaur ez da egun xamurra.

hesia

Blogerako jarri nahi ditudan argazkien itxura aldatu nahian nabil baina hesi honek lengora narama. Eta zer axola du honek. Argazkia gustoko dut eta nahi duenarentzat ikusgai jarri dut. Hesi honen gainetik jauzi egin nuen eta nire jaka berriari izugarrizko zarrata egin nion. Jauziak pena merezi izan zidan.

logela

Hemen nagoenetik logelan hordu ugari igaro ohi ditut. Gaur ailegatu naizenean begiratu bat bota diot eta ederra dela iruditu zait. Desordenatu xamarra naizela ikusten da. Argazkian logela handi bat dirudi baina opticaren efektua da. hau ere NY da

udaberria

20 gradu egiten ditu gaur. New York eguraldiaren arabera asko aldatzen da. Bikote honek atentzioa deitu zidan. Judutarrak ez ditut ulertzen.
Negutik udaberrira aldatzean gauza berriak egitea gustatuko litzaidake.

queens

Queens hirico beste auzo bat da. New Yorken hilabete batzuk egin eta gero lengo egunean gerturatu nintzen lehenengoz. Auzoa oso handia da, leku askotan triste xamarra baina ikusi nuena gustatu zitzaidan.

lur azpian

Lehenengo edo azkeneko bagoietan jarriz gero, New Yorkeko metroan ibilitzea gauza entretenigarria da niretzat. Barrura zein kanpora begiratu saila da aspertzea. Beira zikina, argi gutxi eta metroaren abiada zela medio argazki hau atera zitzaidan.